კასეტის დასაწყისი "ახალგაზრდა ეროვნულ-დემოკრატების" კონფერენციით იწყება.თავის დროზე გაზეთის მოსამზადებლად გადმოვიწერე .
ედეპეში სამი წელი გავატარე და არ მიკვირს,რომ იქაურობა მეხსიერებაში დაილექა. დიდი ხანია ამაზე ნაკლებად ვფიქრობ,თუმცა ცოდვა გამხელილი სჯობია-რაც დრო გადის.....კარგი მეტი მახსენდება,ვიდრე ცუდი...იშვიათად, მაგრამ მაინც .ცხადია
პარტიიდან წამოსვლის შემდეგ კობასთან და ნინოსთან ერთად "დამოუკიდებელი სტუდენტური მოძრაობა " გავაკეთეთ . ჩვენს გვერდით სხვებიც იყვნენ ,მაგრამ ერთად ბოლომდე ჩვენ სამნი დავრჩით.
სამწუხაროდ ნინო ცოცხალი აღარაა . უკურნებელმა სენმა იმსხვერპლა .
არ მინდა ნეკროლოგი დავწერო . ერთს ვიტყვი-ერთერთი საუკეთესო ადამიანი და მეგობარი იყო, ვისაც ოდესმე შევხედრილვარ ქართლური პირდაპირობით, საქმის კეთების სიყვარულით .
გული დაგვწყვიტა მისმა გარდაცვალებამ,თუმცა ცხოვრება ყველას გვაჩვევს მწარე სიურპრიზებს.
ეს საქართველოს სტუდენტური ჩემპიონატის ფრაგმენტებია:
მონტაჟიც არ გამიკეთებია, ისე ავტვირთე .
მარტო ფეხბურთი? ათეულობით პოეზის საღამო, შემოქმედებითი შეხვედრები, გამოფენათა სერია , სადისკუსიო კლუბი ,სადაც აქტუალური თემები განიხილებოდა . ათეულობით ცოტაა :D მგონი მეტი ,თან ეს ყველაფერი საკუთარი სახსრებით ან ენერგიით.დღევანდელი გადასახედიდან ფანტასტიური რეზულტატია . არა მგონია ჩვენი რეკორდი ვინმემ მოხსნას . ასეთ ენთუზიაზმს ბევრი სიგიჟეში ჩაგვითვლის. ასეთები ვიყავით-მონდომებული , გულანთებულები.
შედეგი ? საქმე ვისწავლეთ, ორგანიზაციული სირთულეების გადალახვა .ეს მე ძალიან დამეხმარა . გვეხალისებოდა,ვაკეთებდით, რაც გვსურდა ,თუმცა ნელნელა ასაკმა თავისი ქნა. ჩვენ ჩვენი სამსახური ვიპოვეთ . გარკვეული სერიოზული პროექტები შემდეგშიც განვახორციელეთ...ცალცალკე თუ ერთად.
კასეტაში ერთი საათი მარტო ტელევიზიით ჩვენზე გაშუქებული სიუჟეტებია .ერთ საიდუმლოებასაც გაგიმხელთ-თუ პარტიაში თავის პოვნა გამიჭირდა, სტუდენტური ორგანიზაციის პოტენციალი ბოლომდე გამოვიყენეთ, ტკბილად დაბერდა ის ეტაპი -
ბროწეულაში მატარებელზე შეხტომა , ბათუმში სამარშუტო ტაქსში ძილი , ზოგი ბიუროკრატის გაუგებარი ისტერიის და ეჭვის თანხლებით....
ამასობაში კი კასეტაც დამთავრდა და აწმყოში ვარ . კეთილი იყოს ჩემი ფეხი მიწიერ სალხინებელში. :D
No comments:
Post a Comment